شاب كتب قصيده على صانع المكياج

زائر

تفضلو

[img:0f16]http://www.kotshena.net/vb/images/smilies/shifty[1].gif[/img:0f16]
يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت اصلي

خليتني اركض ورا البنت هاذيك
واشوفها اجمل غرام حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت انا اجمل بنت في اللي حواليك
شف حسني الاخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الارض تدور وانا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج خلها تولي

هههه هالمسكين متأزم ..

بس مو كل البنوتات كذا

هههههههههههههههههههههه

مشكوووورة كتير نور الاسلام على الفرفشة الحلوة

تحياتي

عروبة

زائر

مشكورة نور الإسلام على هاد الموضوع
تحياتي للجميع
ريماس

» للمبتدئات فى المكياج
» كيفية وضع المكياج
» قصيده مدح وهجاء
» قصيده عن المدرسه >>لا تطوفكم
» محشش بيحب كتب قصيده لحبيبته